प्रतिनिधी पांचगणी

अखेर पांचगणीतील निवेरा शाळेला प्रशासनाचा दणका रात्री उशिरा सातबार्या वरील पाकिस्तान नाव हटवलं तक्रारदारांच्या तक्रारी सह आंदोलनाला यश.

मौजे पाचगणी येथील सर्वे नंबर 128/ मध्ये सातबार्या वरती 1948/ पासून देश स्वातंत्र झाल्यानंतर ही पाकिस्तानी नाव हे सातबार्या वरती ठेवण्यात निवेरा शाळा संस्था चालकांना यश आले होते इतकच नाही तर सातबार्या वरती 2019/ ला फेरबदल करण्यात आला तेव्हा देखील संस्थाचालकांनी पाकिस्तानी नाव सातबार्यावरती कायम ठेवण्यात आपली भूमिका बजावली होती व त्याला देखील संस्थाचालकांना यश आले होते परंतु 13/ ऑगस्ट 2024/रोजी ही गोष्ट अनमोल कांबळे यांच्या कानावरती पडताच ऑल इंडिया पॅंथर सेनेचे सातारा जिल्हाध्यक्ष आदित्य गायकवाड यांच्यासह अनमोल कांबळे यांनी जिल्हाधिकाऱ्यांकडे तक्रार दाखल केली व सातबार्या वरील पाकिस्तानी नाव हटवण्याची मागणी करत आंदोलनाची हाक दिली व दिनांक 15 ऑगस्ट 2024 रोजी जिल्हाधिकारी कार्यालय बाहेर पाकिस्तानी नावाचा सातबारा फाडून निवेरा शाळेतील संस्था चालकांचा निषेध करत प्रशासनाचा देखील निषेध नोंदवला व त्यानंतर महाबळेश्वरच्या तहसीलदार तेजस्विनी पाटील यांनी आपल्या कार्यालयामध्ये सुनावणी ठेवत तक्रारदारांचे म्हणणे ऐकून घेतले त्या म्हणण्यानुसार दिनांक 27/8/ 2024 रोजी सुनावणी पार पडली व सुनावणी मध्ये सातबार्या वरील नाव हटवण्याकरिता तहसीलदार यांनी आदेश जारी केले व त्यानंतर निवेरा शाळा संस्थाचालक यांनी मुंबई उच्च न्यायालयामध्ये धाव घेत सातबार्या वरील पाकिस्तान नाव न हटवण्याकरिता व कुठल्याही प्रकारची चौकशी न होण्याकरिता अर्ज दाखल केला होता, व त्या संदर्भात दिनांक 10/9/2024 रोजी मुंबई उच्च न्यायालयामध्ये सुनावणी पार पडली होती व त्या सुनावणी दरम्यान अनमोल कांबळे यांनी आणखी एक मेहरबान न्यायालयामध्ये अर्ज दाखल केला होता हा सर्व प्रकार चालू असताना दिनांक 13/9/2024/ रोजी रात्री उशिरा अखेर प्रशासनाने पाचगणी येथील सर्वे नंबर 128/ मधील सातबार्या वरील पाकिस्तानी नाव हटवत आपली भूमिका बजावल्याचे दिसून येत आहे.